1. |
Simula
01:31
|
|||
Ako'y mandirigma
Lumaban nang pigilang magwala ang aking diwa
Mga matatalim na salita
Ng sa aking ginagawa ay di makaunawa
Kada bigkas, merong paratang
Bawat hakbang, may nakaambang mga harang
Pinagsisigawang dapat daaanan ang nilakaran ng karamihan
Pero di kakayanin ng tadhana
Na ginuhit ang hawak kong pambura
Gawin ang lahat para sa gusto kong mangyari
Baguhin ang laro, isang haring kayang mangmate
Mga pasakit, kahit sakin ay bumuhos
At ako'y magawang tangayin ng unos
Sa karagatan, 'di titigil sa pagraos
Kahit 'di humihinto sa pagbatikos
Mga isdang akala utak galunggong ako kumilos
Pating lang ang nakakasulong kontra agos
Kapit sa panulat ay mala Aristotle
Malaman ang Platong pinagmulan ng papel
Panggigilan kada hakbangang lebel
Kahit hagdang Penrose madidiskaril
Sa kada labing anim na bara pero nasa singkwenta
Pag sinama mga napaakda sa gitna ng mga linya
Lawakan pang-unawa bago maasinta
Mga isinulat na hindi pinambenta
Pero mensahe'y tatawid nang kung ilang dekada
Bago mabura ang kinasadlakang sistema
Aking pangalan ang aking panata
Tanggalin mga lason sa pang-unawa
Mga hari harian na sa tatsulok nanguna
Lahat sila giba 'pag nagwala ang aking diwa!
|
||||
2. |
Ating Buhay
04:11
|
|||
[Emar Industriya]
Walang hanggang pagibig lamang ang makakaisip kapag ako na ang gumuhit
Itanong mo kung paano ko iginuhit ang langit sa nagtataasang talahib.
Iba ang bahay sa tahanan, ang tayog ay hindi pataasan
Magpalit ka man ng sasakyan ay dadaan kapadin sa daanan.
Takip silim nalang ang aral na dinanas ng iyong kahapon.
Walang pagbabago sa galawan anong silbi ng iyong pagbangon?
Sino ba ang dapat sisihin ang kwento ba o pelikula?
Ano ang mas makatarungan sa bandila ang asul ba o pula.
Nahuhumaling sa moderning tila wala ng gatla.
Sa pag andar ng panahon ay paurong ang pagtanda.
Anak sa pagkakasala ngunit bakit nakasalba?
Mas pinili na maglakad hindi tamad na nakisampa.
Ikaw ako sila ang mapaghiganting amo ng kalupitan.
Hindi kaba nagtaka na nakalapit sa puno si eva at adan.
Kaya kung nasa akin ang mali sana hwag mo akong pagtakpan
Ang angel ang unang nagdala ng kasalanan sa kalangitan.
Tandaan...
[Gnarrate]
Mula sa tipak ng luwad
Na nataon sa isang maling hulmahan
Mga tao na luwal
Sa panahon ng nakapaniping kalayaan
Inatasang sundin mga batayan
Tugunan mga nasa listahan
Kailan ka magkakakotse? kumusta ang estante?
Pasensya pero sa karera di ako partisipante
Kakaparamihan ng dyamante
Nauna pang maubos sungay ng mga elepante
Ating buhay ay walang rebanse
Kaya naman matapos mong mabakante
Ang bahay uod subukang kalimutan
Mga isinubo ng dati mong tahanan
Sa 'yong pupuntahan laging tandaan
Kaya ka may pakpak para wala kang matapakan
Wala pang paru paro na merong sinayarang
Tae kaya wag kang lumihis sa tinakdang
Wastong dahilan na dapat mangibabaw
Sa mga pamimilian mo araw araw
Ito ba o iyon, ano ba ang tugon
Timbangin ang bigat ng bawat pagkakataon
Sa kada kampay ng 'yong mga bagwis
May maaapektuhan ang dagling saglit
Isang pangyayari sa hinaharap
Kaya isiping mabuti ang bawat ganap
Kung wala kang utang na pasakit sa iba
Walang mantika na maaari mong ikagisa
Kapag iyong isipa'y dalisay at payapa
Tiyak laging agapay utak ay gumagana
Parang tubig, malamang madali na lang
Anumang kitid ng dapat pagdaanan
|
||||
3. |
Butas
00:37
|
|||
Meron ring butas ang naghahanap ng lunas
Minsan pabaya at walang pake sa bukas
Pero nais rin ay makatikim ng ubas
Kahit ang kahapon ay di mabura ng punas
Pasaway masyado kada may atraso
Nasanay sa plano na panay ang palusot
Ng batang biglang astang utak tolonges
Inakalang pamantasan ay para lang moriones
Pinag-aral ng bayan kaso sinaniban
Ng maling konsepto ng pakikipag-astigan
Hanggang natitirang hakbang na lang ay paakyat
Nang tumabang ang kapalaran sa dami ng bagsak
|
||||
4. |
Bagsak
04:16
|
|||
Ito ay isang kwento mula sa mga pahinang
Aking pinilas nilamukos at tinapon na
Pero gunita ay kumakatok sa diwa
Tikom ang sugat pero ramdam pa rin ang hiwa
Ng pagpapabaya ko sa oras at sa pera
Imbes magsunog ng kilay ang sinunog ko ay baga
Natulog lang sa klase, nahulog ang mga si-
nulat na pangalan parang hindi estudyante
Nagpuyat nagpasasa nagpakasaya
Kakayakap sa dilim ay lumagim ang umaga
Madalas mga papel ay aking pinipilas
Pagkat gradong nababasa parang lata ng sardinas
Napagkamalang batang walang pangarap
Mga pagsusulit papikit hinarap
Lagi namang may tama pero ba't bumabagsak
Pagkat pinitik ang unang titik sa matayog kong balak
Ako ay nalunod, ako ay umahon
Nadapa pero ako'y natutong bumangon
Pagka't ayokong palamon sa kahapon
Kahit bumagsak tinatanggap ang mga hamon
Nalasing, nagising, napansing nagdilim
Mithiin pipilitin ko pa ring marating
Pipilitin ko pa ring marating
Araw araw sinusundo ng mga anghel
Para makipagkita kay San Miguel
Gabi gabi ang asta sa lasingan ay batak
Minsa'y nagdilim ang langit kakatawag ng uwak
Bida-bidahan basta kalokohan
Hanggang magkaalaman sa aming tahanan
Ang dami ko pang kargadang palusot
Wala naman ni isang pantuwid ng gusot
Kaya't iniwan ang unibersidad
Upang kaharapin ang aking reyalidad
Ganito pala ang makakaengkwentro
Kapag ika'y tinalo ng lason ng demonyo
Wala mang diploma mula pamantasan
Diskarte ko na lang para may mapatunayan
Saking mga pangarap ay tuloy ang paghabi
Kahit kadalasa'y kapos aking pisi
Nalasing, nagising, napansing nagdilim
Mithiin pipilitin ko pa ring marating
Pipilitin ko pa rin
Pipilitin ko pa rin
Di pwedeng sabihan na walang pinag-aralan
Mga leksyon sa buhay ang aking natutunan
Pangarap ay sandigan na hindi bibitawan
Laging hahawakan ano mang pagdaanan
Nalasing, nagising, napansing nagdilim
Mithiin pipilitin ko pa ring marating
Pipilitin ko pa ring marating
|
||||
5. |
Mensahero
02:55
|
|||
Laging puro tantya kahit anong plangketa
Di matumbok ang tyansa hanggang sa natirang
Laman ng alkansya dalawang sentimo
Kaya ito pakinggan mo ang mensahero
Piloto ng eroplano, pipito ang pasahero
Parang kamao sa buwan ang destino
Kahit kinabagsakan pook singkwenta uno
Di pa rin gagaya sa ibang idolo
Imbes iangat nagawang humakbang
Pababa para kamayan mga mapanlinlang
Binenta ang sarili para maging hari
Tumubo sa kamangmangan ng mababang uri
Mahirap kalabanin ang napasarap sa pwesto
Kung parehas ang kakontrata nyong demonyo
Matibay na prinsipyo, di matumbasan ng piso
Ganito ang buhay ng pursigidong
Mensahero, bawat titik may laman
Bawat kataga tatama sa bisig ng kadiliman
Upang makaraos mula sa pagyapos
Ng kawalang pag-asa ang bayang hikahos
Subukang makinig, tulungang maghatid ang mensahero
Subukang makinig sa mensahero
Tulungang maghatid ang mensahero
Kahit sinabi ng iba na walang pag-asa
Sa paghahanap ng pag-asa
Patuloy sa pagsulat ng mga linyang
Tagos sa kalawakan, mula sa nakitang
Turo ng kasaysayan nang makatugon
Sa apostasiya ng bagong panahon
Mahirap magpadaloy ng makabuluhan
Sa ilog na tadtad ng mga kabulukan
Kada banta kada akda ng mga mamamahayag
Na mawala mga tala na nakakapagpabagabag
Ihatid ang mapait ngunit kailangang gamot
Maraming tanong na hatid ang tunay na sagot
Daanan lahat ng mga distrito
Mula sentro, kada kanto, hanggang sa bawat baryo
Kahit hingal kabayo, bawal ang mapagod
Asahan nyo, inyong abang lingkod na
Mensahero, bawat titik may laman
Bawat kataga tatama sa bisig ng kadiliman
Upang makaraos mula sa pagyapos
Ng kawalang pag-asa ang bayang hikahos
Subukang makinig, tulungang maghatid ang mensahero
Subukang makinig sa mensahero
Tulungang maghatid ang mensahero
|
||||
6. |
Koronasyon
04:06
|
|||
Natagalan kase aminadong kapit
Sa tyansang ideya ang lalapit
Hanggang sa mapuno ang kaparangan
Ng mga boteng puro kidlat ang laman
Pinag-alayan mga handang makinig
Kesa bihisan ang bibig ng mga tamad mag-isip
Nilamon ng pekeng panaginip
Kaya't inisip ng lubusan aking hirit
May mga tutugon, kanilang susubukang
Itakda aking pangalan sa listahan ngunit di nawari
Na ako'y isang dragon, wag mo nang
Ipasok sa pintuan ng hawlang pang kalapati
Di pa kayang matimbang
Ginamit kong pintura iba ang pinagkunan
Langis para sa binubugang apoy di pa namimina
Sa kahit sa'ng disyerto o karagatan
Di pa napapakinggan
Kaya't subukang maglaan
Ng oras para laman ng aking akda
Ay manamnam, mag-iba pakiramdam
At magawang makialam sa nangyayari sa paligid
Mga ginigipit dapat magkapit-bisig
Milyon milyong katao iisang hukbo
Lahat nakakorona, isang bagong yugto
Ang ating koronasyon
Ito ang ating koronasyon
Pagka't ang atin ay atin
Ang atin ay atin
Dapat ang maghari kung sinong dapat maghari
Kung sinong nagtanim sya and dapat umani
Sa ating koronasyon
Pero umpisa pa lang ang ngayo'y narating
Sa kakaining bigas, ako'y gutom pa rin
'Pagkat aking pangarap, higit pa sa sumikat
Sana bumakat at isabuhay mga naisulat
Kung ika'y asal pulis, ranggo man ay hepe
Aking sinasabi, di mo mahuhuli
Maglabas ka ng baril, magtataasan hindi
Mga kamay kundi puro mga gitnang daliri
Kahit pa sabihang rebeldeng panggulo
Raratrat hanggang mabaligtad ang triangulo
Sa walang hangganang paglapat ng tinta
Akala nila na ako'y nahibang na
Dahil ang gusto kong mangyari'y imosible
Mas hibang ang ayaw mangyari ang imposible
Nagpabidahan sa pag-akyatan
Tinulak ko mga bundok nang matira'y kapatagan
Kalayaan
Tanging kahilingan
Makamtan ng lubusan
Makaalis sa gapos ng mga gahaman
Mukhang hanggang kamatayan di ko rin masisilayan
Bukang liwayway sa ating inang bayan
Ganunpaman, di pa rin mapipigilan
Koro ng nasyon, sa wakas mapakinggan
Ang ating koronasyon
Ito ang ating koronasyon
Pagka't ang atin ay atin
Ang atin ay atin
Dapat ang maghari kung sinong dapat maghari
Kung sinong nagtanim sya and dapat umani
Sa ating koronasyon
|
||||
7. |
||||
Hinukay mula sa kailaliman ng lupa
Ang tone toneladang sangkap na iba't ibang uri
Para sa petrolyo, para sa transportasyon
Para sa mga kagamitan
Para sa kuryenteng kailangan
Ng mga kabahayan, pagawaan,at telekomunikasyon
Upang mapagkonekta ang sangkatauhan
Makapagbahagi pa sa buong kalawakan
Mga salita at larawan, mga karanasan
Ang proseso'y bumuo ng matinding init
Naglabas ng dambuhalang maitim na usok
Ang nguso sa tuktok ng mga gusali
Umakyat sa langit, nagdagdag galit
Lalong nagpakahayok humigop mula sa iba't ibang bahagi
Sapa, ilog, lawa, karagatan
Mga sisidlang naiwan nang may tubig pang laman
Pataasin pa ang temperatura
Palakasin pa ang hangin, paikut ikutin
Hanggang maging isang nagwawalang amasona
Walang pake sa madadaanan ng mga bigwas nya
Pinaglapit ng mga pisi ang mga residente ng planeta
Pero bakit di madama pulso ng mundong umaruga sa kanila
Nagpapakaligaya sa tila walang hangganang teknolohiya
Di namalayan na ang kalikasan ay nauubusan din ng pasensya
Ilang buhay pa ba ang kailangang tangayin ng rumagasang baha?
Ilang tahanan pa ang kailangang lamunin ng mga dambuhalang alon?
Ilang gusali pa ang kailangang hampasin ng ipo ipong mapanira?
Ilang bangkay pa ang ni hindi makakaranas na maikahon?
Ilang oras pa kailangan mong gugulin dyan bago ka maliwanagan
Na nasa mga kamay mo ang mismong kasalanan?
Ika'y ginawang kasangkapan ng mga gumagawa ng kasangkapan.
Kagutumang mapabango/ ng pinagkagastusan mo ang iyong pangalan.
Reyalidad na yan ng buhay? Di na mapipigilan?
Di kayang tutulan? Di kayang wakasan?
Hindi mo kayang maging sandata ng pagbabago?
Balat mo'y di itinadhana sa mga sugat na matatamo?
Takot kang lumaban sa sangkutan ng naglalakihang kompanya at pamahalaan?
Kailan ka matatauhan? Gumising ka, hoy!
Walang espadang nahubog nang di dumadaan sa nagbabagang apoy!
|
Gnarrate Philippines
Generating Noble Astute Revolutionary Rhymes Against The Establishment.
Gnarrate is a
Laguna Bastard holding it down for Elbi Connection and Laguna Hip Hop. He writes rap songs to upset the established order, in hopes that one day, nobody needs to create art forms of such nature anymore.
... more
Streaming and Download help
If you like Gnarrate, you may also like:
Bandcamp Daily your guide to the world of Bandcamp